21-ე საუკუნეში ჟურნალისტიკამ დიდი ტრანსფორმაცია განიცადა და წარმოიშვა ახალი მიმართულება - მულტიმედია ჟურნალისტიკა. ახლა უკვე საბოლოო ჟურნალისტური პროდუქტის შექმნაში, იქნება ეს სატელევიზიო, რადიო, პრესის თუ ციფრული მედიის პროდუქტი, ერთი ადამიანი მონაწილეობს.
შესაბამისად, აუცილებელი გახდა, რომ ჟურნალისტმა ამ პროდუქტის შექმნისთვის საჭირო ყველა მიმართულება აითვისოს. მულტიმედია ჟურნალისტი უნდა ერკვეოდეს როგორც ჟურნალისტურ ნორმებსა და სტანდარტებში, ისე ტექნიკურ მხარეში, შეეძლოს კრეატიული აზროვნება და საკუთარი პროდუქტის ვიზუალიზაცია.
პრაქტიკული აკადემია სწორედ ამ მიმართულების შესწავლას სთავაზობს მსურველებს.
მულტიმედია ჟურნალისტიკის 3-თვიანი პროგრამის ფარგლებში დაინტერესებული პირები თანამედროვე ჟურნალისტურ საქმიანობას შეისწავლიან. ეს არის პრაქტიკული კურსი, რომლის ფარგლებშიც პროგრამის მენტორებისტუდენტებს შეასწავლიან საქმიანობას, რომ მათ ჟურნალისტიკის სხვადასხვა პლატფორმაზე დასაქმება შეძლონ. კურსის უდიდესი ნაწილი პრაქტიკაზე იქნება დაფუძნებული.
კურსის შესახებ დეტალებზე კურსის ხელმძღვანელი და „პალიტრანიუსის“ გენერალური პროდიუსერი მაკა ლომიძე გვესაუბრება:
- რას სთავაზობს პრაქტიკული კურსი მსურველებს?
- აღნიშნული კურსის მონაწილეები, მულტიმედია ჟურნალისტიკის ყველა ასპექტს შეისწავლიან. პრაქტიკული აკადემიის პარტნიორი კომპანია პალიტრა მედია ჰოლდინგი არაჩვეულებრივ შესაძლებლობას გვთავაზობს, მედია სივრცეში, როგორც ტელევიზიის, ისე ონლაინ მედიის მიმართულებით მიიღონ სტუდენტებმა პრაქტიკული გამოცდილება.
ვის შეუძლია აღნიშნულ კურსზე სწავლა?
- მულტიმედია ჟურნალისტიკის პროგრამაზე სწავლა 18 წლიდან ნებისმიერ მსურველს შეუძლია.
- როგორ ხდება მულტიმედია ჟურნალისტიკის პროგრამაზე მიღება?
- საინტერესოა მიღების ფორმაც. მსურველებმა უნდა გამოგზავნონ ვიდეორგოლი - ვინ ვარ მე. ეს უნდა იყოს მარტივი ვიდეო, თუმცა მასში პოტენციური მოსწავლეების შესაძლებლობები კარგად გამოჩნდება. პირველ ეტაპზე შერჩეული კანდიდატები გაივლიან გასაუბრებას, რომლის საფუძველზეც მოხდება მათი მიღება.
- როგორია პროგრამის ხანგრძლივობა?
- სწავლა 3 თვე გრძელდება. ამ პერიოდის განმავლობაში იქნება თეორიული სემინარებიც, თუმცა უმეტესი დრო პრაქტიკულ საქმიანობას დაეთმობა.
- რა ღირს სწავლა?
- სწავლის ყოველთვიური ღირებულება 200 ლარია. გამორჩეული მოსწავლეები 30, 50 ან 100 % დაფინანსებას მიიღებენ. დაფინანსების მიღება შესაძლებელია უშუალოდ სწავლის პერიოდშიც. საუკეთესოები კი პარტნიორ კომპანიში არსებულ სხვადასხვა მიმართულებებში დასაქმდებიან